Voljeli ga ili ne svakako ostaje činjenica da je Novak Đoković broj jedan u svijetu u tenisu i svakako jedan od najuspješnijih sportista svih vremena. Još od malih nogu je treniran i vaspitan da bude šampion, a postoje Noletovi snimci gdje je još kao dječak od 7 godina nasmijavao prisutne izjavama da će da bude najbolji na svijetu. Da su samo znali koliko je bio upravu.
Novak je oduvijek govorio da je bitno imati snove i raditi na njima, koliko god vam govorili da su nedostižni, vi uvijek morate vjerovati u svoje snove. Nemoguće je samo onda kada vi odlučite da je nemoguće.
Njegovi roditelji nisu fakultetski obrazovani. Majka je studirala ali je napustila studije kada je ostala u drugom stanju. Otac je studirao pravo ali je napustio, nije imao neki konkretan razlog, jednostavno ga nije zanimalo i nije mu išlo.
Zanimljiva stvar je da ih je spojila ljubav prema skijanju. Zapravo su se upoznali dok su skijali, nakon toga je sve išlo svojim tokom, dobili su novaka a ostatak priče nam je poznat.
Novak kaže da je bitna životna škola i da nije sve u formalnom obrazovanju. Kako kaže, zna dosta ljudi koji su završili fakultet ali su neuki.
